“As I have practiced it, photography produces pleasure by simplicity. I see something special and show it to the camera. A picture is produced. The moment is held until someone sees it. Then it is theirs.”

Die liefde is ‘n wonderding.  ’n Magiese paradoks.  Soms kwaai, soms skertsend.  Soms teer.  Altyd misterieus…Kathleen Keating

‘n Familietroue beteken vir ons werk en op jou voete dink … terwyl die res kuier.  In teenstelling met die lus om saam met almal te kuier, is dit ‘n voorreg om dié dag vas te vang vir ewig!  Francios en Marga, hierdie dag is julle s’n vir altyd … die foto’s is julle herinnering aan dag en tyd wat julle lewe verander het … jul kiekies tot oudag toe!  Lucas Maree se kiekies draai in my kop en ek dink so aan Ma wat heeltyd met die familiefoto’s   besig is … dis ‘n lewensinventaris, bring vertroosting, ‘n bewys dat jy daar was!

Geniet julle foto’s!

Kiekies
My kiekies is verwysings, my lewensinventaris
Die ensiklopedie van my bestaan
My kiekies is bewyse vir die feit dat ek ook daar was
’n prentjiekommentaar wat mý beaam

Daar is komedie in my kiekies, ’n skaterlag betraan
deur die afstand tussen destyds en vanaand
Daar is ritme in my kiekies, ’n patroon wat hom herhaal
in die kom en gaan en wegbly van gesigte

Ek verdwaal deesdae so dikwels in die blaaie van my boek
soek die sleutel van my hart onder die stof
In my pelgrimstog na gister blaai my wisselstroom gemoed
deur die ou bekende name in my boek

My kiekies bring vertroosting as die toekoms my kom soek
in my halfgeboude droomkasteel vanaand
maar daar’s net een probleem met kiekies,
en die gom van plakdriehoekies
want die gaping tussen kiekies
maak my bang…
- Lucas Maree